♠~Alice In Secret~♣

<Alice in EXO Planet>

Сүүлийн хэсгүүд хэт ойлгомжгүй, толгой эргүүлэм байсан учраас зохиогчийн зүгээс нилээн тайлбар хийх шаардлага гарсан. Харин дан ганц тайлбар хийлгүй,  өгүүллэгний талаар 40 баримтыг хүргэхээр боллоо.

1. Алис эксо гарагт өгүүллэгийн санааг одоогоос 3 жилийн өмнө буюу 2013.07 сард олсон. Мөн энэ өгүүллэг нь ANOTHER STORY-н анхны үлгэр бөгөөд ийм Project эхлүүлэх сэдэл болсон юм.
2. 02.01нд анхны хэсэг нь орсон ба одоогоор өгүүллэг маань 60%-тай явж байна. (Тэгэхээр бараг Этэрналтай чацуу гэсэн үг. Хурдан дуусаасай тиймээ. Бүхэл бүтэн 3 жил явчихлаа.)
3. Алисын анхны хувилбарт Alice in … Magic, Silence, April, Orchestralia зэрэг нэмэлт хэсгүүд огт тусгагдаагүй байсан. Харин цаашид Alice in… Thunder, Dream, Wind… гэх мэт хэсгүүдийг төлөвлөж байна.
4. Өгүүллэгийн гол дүр Бэкхён болох байсан ч МЭЛХИЙ ГҮНЖ-д тохирох дүр олдоогүйн улмаас солигдсон.
5. Алист холбоотой дүр тус бүрийн өнгөрсөн амьдралын талаар өгүүллэг бичигдсэн. Үүнд: Snow man, The Date of April 13^th, Оройтсон аз жаргал, Magician of Dreams, Silence, Lordless, The letter from far away, The Thunder, 4003 гэх өгүүллэг багтсан ба хамгийн анхны өгүүллэг нь Оройтсон аз жаргал 08.20нд нийтлэгдэж байжээ.
6. Оройтсон аз жаргал хамгийн анх нийтлэгдсэн болов ч үйл явдалын хувьд хамгийн эхний өгүүллэг нь 4003 юм. Мөн Тау бусадтайгаа ямарч холбоогүй ганц дүр билээ. (Хөөрхий Тау).
7. Дээрх өгүүллэгүүд бүгд нэг хэсэгтэй өгүүллэг бол ганцхан дүрийн өнгөрсөн амьдрал олон хэсэгтээр бичигдсэн. Энэ нь “Beauty and The Beast” бөгөөд гол дүр нь Сэүн юм. Мөн бусад дүрүүдийн үхлийн шалтгаан энэ өгүүллэгт дүрслэгдсэн байдаг.
8. Өгүүллэгүүд өөрийн гэсэн кодтой. Үйл явдалуудын дэс дарааллыг санаж байхын тулд мөн хүмүүст сэдэл өгөхийн тулд 1шотуудаа нийтлэх бүртээ дор нь кодлож байсан боловч хэн ч анзаараагүй. Харин Үзэсгэлэн гоо ба Араатан өгүүллэг нийтлэгдэж байх хугацаанд уялдаа холбоог нь зарим хүмүүс гадарласан. (Сэтгэгдэлийг нь устгасан нэг хүнээс уучлалт хүсье! Би муу хүн.)
9.  Одоо та бүхэнд өгүүллэгүүдийн үйл явдалуудыг тайлбарлая:

Амьдралынхаа ихэнх хугацааг ганцаар өнгөрүүлсэн Жундэ ангийхаа нойрмог И Фанаас тусламж гуйснаар тэдний нөхөрлөл эхлэдэг. Энэ бол хамгийн эхний үйл явдал юм. Та бүхэн санаж байвал И Фан найзуудыгаа танилцуулахдаа бүгдийг нь зандан гэхээс гадна тэдний онцлогуудыг хэлдэг. Дурдвал: Бэкхён найз охинтой, энэ нь Лордлэсс дээрх түүний найз охин билээ. Жун Ин охидуудад дургүй, 4.13ны болзоо болон Оройтсон аз жаргал дээр ч тэр энэ хэвээр байдаг. Ингээд яриад байвал дуусахгүй биз.

Энэ явдалаас хэдэн жилийн дараах үйл явдалыг Лухан өгүүлэх болно. Тэр захиагаар харилцдаг охиндоо өөрийнхөө найзуудыг ярина. Гэсэн ч тэдний нөхөрлөлд ан цав үүссэнээс Лухан сэтгэлээр унасан байдаг. Оройтсон аз жаргал – Жунмён цөллөгт явсан, Лордлэсс – Бэкхён найз охиноосоо салсан, Аниргүй – И Фаны дүү амь үрэгдсэн, Зүүдний шидтэн – Ишин анагаахт орохоор бэлдэж эхлэсэн, 4.13ны болзоо – Жун Ин хаалттай хөшигтэй өрөөндөө ганцаараа үлдсэн. Гэхдээ энэ хагарал удаан үргэлжилээгүй, “Оройтсон аз жаргал” дээр тэд хэдэн жилийн дараа дахин уулздаг шүүдээ.

Харин одоо энэ гунигтай үетэй давхцсан өөр үйл явдалуудыг тайлбарлья. Кёнсүү нэгэн хачирхалтай охинтой танилцдаг. Харин түүний ах И Фан тэрнээс ч хачин хүн байлаа. Кёнсүү тэр охинооос зайгаа барихыг хичээдэг ч эцэст нь түүнд дурладаг билээ. Гэсэн ч тэд удаан хамт  байсангүй. Хайр дурлал нь дөнгөж эхлэж байтал түүний хайртай охин ослын улмаас амь үрэгддэг. Гэхдээ Кёнхи  шууд амьсгал хураагаагүй. Тэр эмнэлэгт хүргэгдэн ирсэн билээ. Энэ мөчид И Фан түүний цорын ганц найзыг гадаадаас дууддаг. Тэр бол Цасан хүн дээр гардаг хэлэмгий, дүрсгүй Наён юм. Өгүүллэгийн төгсгөлд Наён Минсокийг дагуулан найзынхаа оршуулгад ирдэг. Энэ нь бидний мэдэх Кёнхигийн оршуулга юм.

За буцаад өмнөх үйл явдал руугаа орцгооё. Жун Ин 4 сарын 13нд хөшигөө нээснээр нэгэн бүсгүйг өөртөө дурлуулдаг. Гэтэл хувь заяа тэднийг салгасангүй. Тэд хэдэн жилийн дараа санаандгүй байдлаар буудлын өрөөнд уулздаг бөгөөд үүний дараа ч тэд дахин тааралддаг.  Учир нь Оройтсон аз жаргал дээрх Жунмёны эхнэр Мари, тэр бүсгүйн  дотны найз билээ. Ингээд тэдний гэнэтийн учралын эхлэл тавигддаг.

Бүх өгүүллэгийн турш ном уншиж хичээл хийдэг байсан Ишин Зүүдний шидтэн дээр хэдийн эмч болчихсон байдаг. Тэрэн дээр найз И Фан нь зочилдогыг та бүхэн санаж байгаа бизээ.

За хамгийн сүүлийн өгүүллэг болох Үзэсгэлэн гоо ба Араатан дээрх үйл явдал маш энгийн. Тэд Сэүний төрсөн өдрийг тэмдэглэж амжаагүйн улмаас маргааш нь болох 4сарын 13нд тэмдэглэдэг. Гэтэл тэдний баяр эцэст нь оршуулга болон хувирсан. Тэд яг энэ өдөр нэг дор амь үрэгдсэн. (Кёнсүү Минсок хоёр ч тэнд байсан би тэгээд шийдчихсэн, надад ч амар та нарт ч амар. Нэг мөсөн алчихсан дээр тийм биз. Би ч аймшигтай хүн юмдаа). Харин Сэүн галаас эсэн мэнд үлдсэн ч тэрэнд аймшигт сорив тогтжээ. Ингээд л тэр нэг өдрийн дотор бүхнээ алдсанаар сэтгэл зүрхгүй араатан болон хувирсан билээ.

10. Өгүүлэг бүрт нэг цэцэг гардаг ба сайн ажиглавал 4 сарын 13-г ямар нэгэн байдлаар холбосон байдаг. (4 сарын 13ны тайлбарыг Snow man дээр Наён надаас илүү тайлбарлачихсан байгаа.)
11. Хүчээ хамгийн анх олсон нь Сэүн эсвэл Жун Ин биш харин Жундэ юм. Тэрээр Эксо гарагт очихоосоо өмнө л онцгой чадвартай байсан.
12. 4003 гэдэг нь HOPE буюу итгэл гэсэн үг. Анх 4013 хэмээн нэрлэх гэж байсан ч Алис эхлэхээс өмнө хүмүүс учир холбогдлын тайлчих байх хэмээн сэрэмжилсэний дүнд 4003 болгосон. (Нэг хүн учрын олоод сэтгэгдэл бичсэн байсан ч би устгачихсан. Дахиад хэлье Би ч муу хүн юмаа. Гэхдээ энэ бүхэн ирээдүйн сайн сайхны төлөө байсан юм шүү.)
13. Чанёл болон И Фаны өнгөрсөн амьдрал байдаггүй. И Фаны дурсамж өгүүллэг дундуур тайлагдах бол Чанёлых Алис дууссанаас хэдэн сарын дараа нэмэлт хэсэг хэлбэрээр бичигдэх болно. (Чанёлын нэг хэсэгт 4003-с өмнө орох байсан ба би санааг нь Thunder-г бичихээс өмнө олсон. Гэтэл өдийг хүртэл бичээгүй л байна. Энэ бүхэн ердөө л залхуурлаас болсон. Уучлаарай.)
14. Бэкхён Эксо гарагийн бүх сарнайг өөрөө тарьсан ба 1050 сарнайн хүлэмжтэй, хүлэмж тус бүр дотроо 1050 сарнайтай. Өмнөх өгүүллэгүүдтэй холбоотой гэх хамгийн анхны сэдэл энэ байсан. Даанч нэг ч хүн учрын ойлгоогүй. (Баярлалаа.)
15. Улаан хатны долоон туслахын санааг анх манай 3 настай дүү олсон. Тэрээр өөрийн хүүхэлдэйнүүдээ нотны нэрээр нэрлэдэг бөгөөд одоогоор манайд До Рэ Ми Фа гэх дөрвөн хүүхэлдэй байгаа. (Уг нь яг долоо байсан ч би хаячихсан юм. Мөн тэрээр өөрийн энэ санаагаа хулгайд алдсанаа мэдэхгүй байгаа.)
16. Алисын санааг анх гэрээ цэвэрлэж байхдаа олсон ба одоо ч тэр хэвээр үргэлжлүүлж байгаа.
17. Дэлхийн нэг минут Эксо гарагийн хагас цагтай тэнцдэг. Энэ нь дэлхийд нэг жил өнгөрөхөд Эксо гарагт 30 жил өнгөрнө гэсэн үг.
18. Долоон туслахын ахлагч До нь үнэндээ цагаан хатны сүйт залуу. Тэр цагаан хатныг үхсэнээс хойш авсанд унтаж байгаа бөгөөд хүний амьдралын цагаар бодож үзвэл 22 жил харин эксо гарагийн хувьд 660 жил юм.
19. Эксо гарагт нар ч, сар ч гардаггүй. Харин шөнө нь Бэкхён гэрэлтдэг.
20. И Фан, Бэкхён хоёр үргэлж сөргөөцөлддөг. Учир нь И Фан үхэл бол Бэкхён амьдрал юм.
21. Сэүн, Соль хоёр ихрүүд биш харин нэг хүн юм. Сэүн 4 сарын 13ны галд үхэх ёстой байсан ч тэр үхээгүй, харин тэр үед сүнс нь хоёр хуваагдчихсан.  Тэгэхээр СольСэүний ихэр биш харин өнгөрсөн амьдрал, дурсамж, бага нас нь билээ.
22. “The Beauty and The Beast” дээрх Сэүний соривийг Ишин алга болгосон.
23. Долоон туслах, Лягаас бусад нь өөрийн гэсэн нэртэй. Тэд бүгд өөр өөр хөгжим тоглож чаддаг бөгөөд сайхан хоолойтой учир цагаан хатан ийн нэрлэсэн. (Гэхдээ үгүй манай дүү тэгж нэрлэсэн тиймээ *инээв*) Жишээ нь Солийг Сэүн гэдэг шүү дээ. (*Дахиад л инээв*)
24. Кёнхи Silence дээр сонсголоо алддаг бол үхсэнийхээ дараа ярих чадвараа алддаг. Тэрээр өмнөх дурсамжаа санаж байдаг ч үүнийхээ талаар ярьж чаддаггүй.
25. Alice in April – Жун Ин үлдсэн 11-хээ дурсамжит газар болон найз бүсгүйчүүдэд цагаан сарнай үлдээдэг. Тэрний хамгийн анх очдог цэцгийн дэлгүүр нь Бэкхёны найз бүсгүй Юнсогийн цэцгийн дэлгүүр юм. Юнсо Бэкхёнийг өнгөрсөнөөс хойш жил бүр 4.13нд цагаан сарнай үнэгүй тараадаг билээ.
26. И Фан Ари хоёр өмнө нь бие биенээ таньдаг байсан.
27. 7-10 хэсэгт гарсан 12 хөзөр нь тэдний Арид зориулсан чадварын өртөө юм. Өртөө бүрт нэг хүн хүлээж байх бөгөөд ердөө нэг цагийн хугацаанд үргэлжилдэг.
28. Ишинийг үхлийн аюулаас аварсан ганц эвэртийн цус үнэндээ өөрийх нь цус.
29. Жений хамгийн хурдан бичсэн өгүүллэг нь 4003 бол хамгийн удаан хугацаа зарцуулсан нь “The Beauty and The Beast&#8221;. Яагаад гэвэл “The Beauty and The Beast” олон хэсэгт өгүүлэг юм.
30. Жень Alice in Orchestralia, Alice in April хоёр дээр л уйлж байсан. Бичиж байхдаа эсвэл уншихдаа уйлаагүй харин өгүүллэгээ төсөөлөөд л уйлсан.
31. Улаан хатны үдэшлэгт Аригийн өмссөн даашинзыг Жун Ин сонгосон. 6-р хэсэгт Жун Ин Ариг тосгон руу дагуулан явахдаа дэлгүүрт ганцааранг нь үлдээдэг ба тэр хооронд түүний даашинзыг  худалдан авсан.
32. Бэкхёний эс гэрэлтдэг. Хүн болгон Бэкхёны чадварыг гэрэл гэдгийг мэднэ. Харин энэ нь нь түүний мэдрэлийн эсүүдийн үйл ажиллагаатай холбоотой юм. Сэтгэл хөдлөл хувирах тоолонд мэдрэлийн эсүүд нь гэрэлтдэг бөгөөд уурлах болон худал хэлэх үед нь хамгийн тодоор гэрэлтдэг байна.
33. Жень Alice-г бичиж байхдаа биш харин түүнд ирсэн сэтгэгдэлийн улмаас шантардаг. Энэ нь бага сэтгэгдэл ирсэнтэй огтхон ч холбоогүй харин хүмүүс түүний бичсэн зүйлийг ойлгохгүй байх болон түүнээс асуух хачин асуултнаас болдог.
34. Улаан хатны аав буюу Хөзрийн тамгийн төлөө Лягийн хайртай залуу амь үрэгдсэн. Таёо хааны тусгай салаан ахлагч бөгөөд өөрийн салааг хамгаалахын тулд дайсны бүслэлтийг ганцаар эвдсэн. Тэрээр өөрийн биедээ нийт 23 тэсрэх бөмбөг зүүгээд дайсны бүс рүү нэвтэрч өөрийгөө дэлбэлсэн байна.
35. Аригийн чадвар бол бодол удирдах юм. Тэрээр өөрийн бодлыг бусдад харуулахаас гадна бусдын санаа бодлыг ч мөн хардаг. Мөн хол ойрын бүх чимээг сонсож чаддаг нь түүний бодол уншдагтай холбоотой
36. Догийн Арид бэлэглэдэг босоо ятга өмнө нь Цагаан хатных байсан.
37. Чанёл, Тау хоёроос бусад нь өөрийн гэсэн онцгой газартай. Жунмён- Дурсамжийн нуур, Кёнсүү- Хүслийн агуй, Минсок- Шилэн хот, И Фан- Үхлийн дэнлүү, Бэкхён- Амьдралын гэрэл, Ишин- Зүүдний үргэлжлэл …
38. Exo- Love me right  “Алис гайхамшигийн оронд&#8221;- зохиолоос сэдэвлэсэн. Алис Эксо гарагт өгүүллэгийн бичигдэж эхлэсэн хугацааг тооцож үзбэл “Love me right&#8221;-с хамаагүй өмнө сэдэвлэсэн ба энэ бидний анхны давхцал биш билээ. Мөн “Exo Show Time&#8221; гарахаас өмнө  Жень, И Фаныг сансар луу явуулахаар шийдсэн байсан. ( За тэгэхээр SM ent-дээ баярлалаа гэх нь зүйтэй байх)
    
39. Жень, Алис Эксо гарагт өгүүллэгийн санааг олсондоо харамсдаг. Энэ өгүүллэг маш удаан хугацаанд үргэлжилж байгаа мөн нэмэлт хэсгүүд болоод нууцлаг үйл явдалуудаар дүүрэн учир тэрээр өөртөө төвөг удсан хэмээн боддог. Уран зөгнөлт өгүүллэгт бодит бус төсөөлөл, хийсвэр сэтгэмж ихээр шаардлагатай байдаг. Үүний тулд Жень  өөрийн бүх төсөөлөл болон үгийн сангаа энэ өгүүллэгт шавхсан. Уншигчдын хувьд саяхан нийтлэгдсэн үйл явдалууд хэдэн жил түүний толгойд эргэлдэж зарим нь мартагдаж зарим нь гэнэт орж ирсээр өдийг хүрсэн билээ. (Хааяа бүр өөрийгөө зүхдэг гээч… Ийм төвөгтэй зүйл сэтгээгүй бол, бүр тэрийгээ санаа амар хаяж чаддаг бол хичнээн сайхан бэ? гэж бодоход хүрдэг.)
40. “Alice in Exo Planet&#8221; өгүүллэг нь Женийх биш харин Этэрнал гэх гэр бүлийх билээ. Өмнө хэлсэнчлэн энэ өгүүллэг Этэрнал блогтой бараг нас чацуу тиймээс Этэрналын жаргалтай, гунигтай бүх үеүүдэд бичигдсээр ирсэн. Мөн дан ганц Жень бичдэггүй. Энэ өгүүллэгийн ард Нахи Раен хоёр ч бий. Тэд шинэ санаа гаргаж, зураг засварлаж, үйл явдалуудыг холбож өгдөг. Тиймээс тэр хоёртоо ч бас баярлалаа.

ҮРГЭЛЖЛЭЛ БИЙ…